СМІ: Палац Януковіча ў акупаваным Крыме перадалі Упраўленню справамі Пуціна

Недабудаваны палац экс-прэзідэнта Украіны Віктара Януковіча на мысе Айя ў акупаваным Крыме будзе перададзены Упраўленню справамі прэзідэнта РФ Уладзіміра Пуціна.



Фота flashcrimea.com

"Першапачаткова планавалася, што палац дастанецца Севастопалю. Думалі дабудаваць, адкрыць санаторый ці пансіянат. Але цяпер прынята рашэнне, што аб'ект будзе перададзены Упраўленню справамі прэзідэнта", — сказаў суразмоўца агенцтва, паведамляе www.unian.net.

Адзначаецца, што структуры, блізкія да старэйшага сына Віктара Януковіча — Аляксандра Януковічу, у 2007 годзе за 6,3 млн грыўняў (1,2 млн долараў па курсе 2007) набылі ў дзяржавы базу адпачынку "Мыс Айя" і зямельны ўчастак плошчай 3,5 гектара, які належаў ёй. Цяпер будаўніцтва палаца на тэрыторыі базы адпачынку прыпынена.