Шон Пэн запатрабаваў дазволіць Зяленскаму выступіць на цырымоніі ўручэння «Оскара»

Акцёр пагражае знішчыць сваю статуэтку прэміі.

Шон Пэн, амерыканскі акцёр ды лаўрэат прэміі Оскар, паабяцаў публічна расплавіць свой «Оскар», калі Уладзіміру Зяленскаму не дадуць выступіць на цырымоніі ўручэння.
«Калі Акадэмія вырашыць гэтага не рабіць, калі вядоўцы вырашаць не падтрымліваць Украіну, якая прымае за нас кулі і бомбы, я думаю, кожны з гэтых людзей і іх дзеянні будуць выглядаць самым непрыстойным момантам ва ўсёй гісторыі Галівуду», – сказаў акцёр у эфіры CNN.
Раней выданне The New York Post паведамляла пра тое, што Зяленскі рыхтуецца да выступу на цырымоніі ўручэння «Оскару», але дагэтуль не вядома, ці дазволяць яму выступіць.