У 2019 годзе ў ЗША зафіксаваны рэкордны лік масавых забойстваў

У 2019 годзе было зарэгістравана больш за 40 такіх выпадкаў, 33 з іх звязаны з выкарыстаннем агнястрэльнай зброі. Гэты паказчык стаў самым высокім з 1970-х гадоў.

У 2019 года ў ЗША зарэгістравалі 41 масавае забойства, калі гінулі чатыры і больш чалавек. За выключэннем васьмі выпадкаў, злачынцы выкарыстоўвалі ў якасці прылады забойства агнястрэльную зброю. Пра гэта паведамляе Associated Press са спасылкай на базу дадзеных, сфармаваную журналістамі агенцтва сумесна з выданнем USA Today і Паўночна-Усходнім універсітэтам. Па іх дадзеных, агульная колькасць ахвяр такіх нападаў склала 211 чалавек.
Агенцтва адзначае, што журналісты вядуць падобную статыстыку з 2006 года (тады было зарэгістравана 38 масавых забойстваў). Аднак дадзеныя па ліку масавых забойстваў за 2019 год перавысілі паказчыкі 1970-х гадоў, пра што сведчаць іншыя даследаванні.
Як адзначае агенцтва, большасць з гэтых злачынстваў было звязана з людзьмі, якія былі знаёмыя адзін з адным. У аснове матываў ляжалі сямейныя сваркі, наркотыкі і бандытызм. Злачынствы таксама здзяйснялі незадаволеныя чым-небудзь людзі, якія накіроўвалі свой гнеў на калегаў ці сваякоў.
AP таксама пазначае, што ў шэрагу выпадкаў праваахоўнікам не ўдавалася ўсталяваць матыў злачынцаў. Па падліках журналістаў, найбольшая колькасць масавых забойстваў — восем — зарэгістравалі ў Каліфорніі, дзе дзейнічае строгае заканадаўства аб зброі.
Найбольш узгаданымі ў нацыянальным і сусветным вяшчанні сталі выпадкі масавай стральбы ў Эль-Паса і Адэсе (Тэхас), Дэйтане (Агаё), Вірджыніі-Біч (Вірджынія) і Джэрсі-Сіці (Нью-Джэрсі).
Пры гэтым, паводле ацэнак журналістаў, найбольш ахвяраў масавых забойстваў — 224 — было зарэгістравана ў 2017 годзе. Тады ў выніку страляніны на музычным фестывалі ў Лас-Вегасе загінулі 58 чалавек.
У амерыканскім грамадстве неаднаразова ўзнікалі дыскусіі аб забароне агнястрэльнай зброі як меры барацьбы з масавымі забойствамі. Прыхільнікі больш жорсткай рэгуляцыі карыстання зброяй лічуць, што гэта дапаможа знізіць колькасць такіх забойстваў. Праціўнікі абмежаванняў спасылаюцца на другую папраўку да Канстытуцыі Злучаных Штатаў, якая гарантуе кожнаму грамадзяніну права на валоданне зброяй і з'яўляецца даўняй і непарушнай амерыканскай традыцыяй.
Паводле rbc.ru