У Літве затрымалі беларускія цыгарэты на амаль 2 млн. еўра

Літоўскія мытнікі перахапілі буйную партыю беларускіх цыгарэт у Марыямпале.

Увечары 15 лістапада яны спынілі для праверкі грузавы аўтамабіль. Кіроўца, грамадзянін Латвіі, заявіў, што вязе канцтавары з Латвіі ў Чэхію транзітам праз Літву, аднак у паўпрычэпе мытнікі знайшлі скрынкі з цыгарэтамі. Мяркуючы па фота, тавар нават не спрабавалі маскіраваць, паведамляе REFORM.by.

Усяго было канфіскавана 550 тысяч пачкаў беларускіх цыгарэт «Магнат». Іх кошт ацэньваецца ў 1,96 млн. еўра. Пачата дасудовае расследаванне, паведамляе крымінальная мытная служба Літвы.

Варта зазначыць, што літаральна ўчора тая ж крымінальная мытная служба Літвы паведаміла пра выяўленне 12 лістапада адразу двух выпадкаў кантрабанды беларускіх цыгарэт на мяжы з Літвой.