У Лос-Анджэлесе ўручылі «Залатыя глобусы». Найлепшая камедыя — «Аднойчы... у Галівудзе»

Найлепшай драмай стаў фільм «1917». А лепшым драматычным серыялам быў названы «Чарнобыль».



У Лос-Анджэлесе прайшла цырымонія ўручэння прэмій «Залаты глобус». Узнагароду ў галоўнай намінацыі «Лепшы драматычны фільм» атрымала стужка Сэма Мендэса «1917». Сам Мендэс названы лепшым драматычным рэжысёрам.

Лепшым драматычным акцёрам быў названы Хаакін Фенікс («Джокер»), лепшай актрысай — Рэнэ Зельвегер («Джудзі»).



Фільм Квенціна Таранціна «Аднойчы... у Галівудзе» атрымаў узнагароду ў катэгорыі «Найлепшая камедыя ці мюзікл». Усяго ў фільма тры ўзнагароды (рэкордная колькасць для цяперашняй цырымоніі) — сам Таранціна атрымаў узнагароду за лепшы сцэнар, а Брэд Піт — за лепшую ролю другога плана.

Найлепшым драматычным серыялам быў названы «Чарнобыль». Перамогу ў намінацыі «Лепшая песня» атрымала «I'm Gonna Love Me Again» з баёпіку Элтана Джона «Рокетмэн».

Паводле meduza.io