У Данецку пачаліся маштабныя баі: людзі сядзяць без святла пад грукат залпаў
Акрамя таго, мясцовыя жыхары паведамляюць пра актыўныя баявыя дзеянні ў раёне Пуцілаўскага моста, які вядзе ад аэрапорта ў горад.
У Данецку працягваюцца маштабныя баі. З раніцы жыхары ўсіх раёнаў Данецка бесперапынна чуюць выбухі і кананаду цяжкай артылерыі. У раёне, прылеглым да аэрапорта, людзі сядзяць без святла, газу і вады. Пра гэта паведамляе Deutsche Welle.
"Такое ўражанне, што "Грады" стаяць ледзь не побач з кожным домам. Дэтанацыя жудасная, дрыжаць сцены і вокны", — паведамляюць жыхары цэнтральных раёнаў Данецка.
Як піша выданне, тэлефонная сетка пастаянна занятая: людзі ў паніцы тэлефануюць адзін аднаму, пытаюцца, што адбываецца ў горадзе. Акрамя таго, мясцовыя жыхары паведамляюць пра актыўныя баявыя дзеянні ў раёне Пуцілаўскага моста, які вядзе ад аэрапорта ў горад.
У паведамленнях відавочцаў гаворка ідзе быццам бы таксама і пра разбурэнне самага моста.
У Кіеўскім раёне, прылеглым да аэрапорце, людзі паведамляюць, што сядзяць без святла, газу і вады. Таксама жыхары сведчаць пра шматлікія траплянні снарадаў у жылыя дамы — як у цэнтры горада, так і ў прыфрантавых раёнах, непадалёк ад лініі агню.
Аварыйныя брыгады не могуць выехаць да месца разбурэнняў з-за артабстрэлаў, якія не спыняюцца. Частка жыхароў спешна хаваецца ў бомбасховішчы. Гэтак жа спешна зачыняюцца харчовыя крамы ў цэнтры горада. Спыняе працу і цэнтральны рынак. На некаторых маршрутах цалкам спынены рух грамадскага транспарту.