У ЛНР пацвердзілі дамоўленасць аб спыненні агню

Платніцкі заявіў, што была дасягнутая дамоўленасць аб спыненні агню 5 снежня, з 6 снежня будзе адводзіцца ваенная тэхніка, паведамляе korrespondent.net.



Кіраўнік самаабвешчанай ЛНР Ігар Платніцкі пацвердзіў, што з украінскімі вайскоўцамі была дасягнутая дамоўленасць аб спыненні агню з абодвух бакоў з 5 снежня, з 6 снежня будзе пачаты адвод ваеннай тэхнікі.

"На перамовах 29 лістапада была дасягнутая дамоўленасць аб спыненні (агню) 5 снежня, а таксама з 6 снежня будзе адводзіцца ваенная тэхніка", — заявіў Платніцкі ў аўторак.

У той жа час у СНБА заяўляюць, што не атрымлівалі пацверджання дамоўленасці аб спыненні агню з ЛНР. "Пакуль не атрымалі пацверджання (аб спыненні агню), намеры такія ёсць", — сказаў Лысенка.

Напярэдадні назіральнікі АБСЕ ў сваёй справаздачы паведамлялі, што ўкраінскія вайскоўцы і прадстаўнікі самаабвешчанай "Луганскай народнай рэспублікі" (ЛНР) дамовіліся аб спыненні агню на лініі судакранання з 5 снежня.

Днём 1 снежня паведамлялася, што ў міжнародны аэрапорт Данецка выехалі кіраўнікі сумеснага цэнтра па кантролі і каардынацыі пытанняў спынення агню. Да гэтага некаторыя сродкі масавай інфармацыі паведамлялі, што ўкраінскія ваенныя ўзарвалі стары тэрмінал данецкага аэрапорта і адступілі.