У Саудаўскай Аравіі забаранілі Новы год
Саудаўская Камісія па заахвочванні дабрадзейнасці і прадухіленні граху (рэлігійная паліцыя) 30 снежня выступіла з адмысловым папярэджаннем да падданых каралеўства і забараніла ім адзначаць Новы год па грыгарыянскім календары.
Крамам забаронене прадаваць святочныя падарункі,
Эдыкт камісіі заснаваны на фетве, выпушчанай камітэтам найбольш аўтарытэтных саудаўскіх багасловаў, якія палічылі магчымым адзначаць наступленне новага года толькі па хіджры — месяцаваму календару, кропкай адліку ў якім з'яўляецца пераезд прарока Мухамада з Мекі ў Медзіну.
Жыхарам Саудаўскай Аравіі забаронена 31 снежня і 1 студзеня публічна выяўляць радасць з нагоды наступлення Новага года, а мясцовым крамам — прадаваць святочныя падарункі, а таксама кветкі.
Навагоднія забароны — не адзінае вынаходства рэлігійнай паліцыі, звязанае з "чужымі" мясцовым традыцыям святамі. Так, напрыклад, на дзень Святога Валянціна (свята ўсіх закаханых у заходняй традыцыі) у Саудаўскай Аравіі забаронена прадаваць чырвоныя ружы і стылізаваныя малюнкі сэрцаў.
У суседніх з Саудаўскай Аравіяй арабскіх краінах стаўленне да заходняга Новага года істотна адрозніваецца. Так, напрыклад, улады эмірата Дубай паабяцалі зладзіць у святочную ноч рэкордны па маштабах феерверк, выкарыстоўваўшы за шэсць хвілін 400 тысяч зарадаў. Чакаецца, што гэты феерверк патрапіць у Кнігу рэкордаў Гінэса.