Украіна: інфармацыя NYT пра пастаўку ў КНДР ракетных рухавікоў — фейк

Сакратар СНБА Аляксандр Турчынаў абверг пастаўку якіх-небудзь ракет або ваенных тэхналогій з Украіны ў Паўночную Карэю.

"Гэтая інфармацыя не мае пад сабой ніякіх падставаў, з'яўляецца правакацыйнай па сэнсе і, хутчэй за ўсё, справакаваная расійскімі спецслужбамі для прыкрыцця ўласных злачынстваў", — заявіў Турчынаў, нагадаўшы, што Украіна лічыць КНДР таталітарнай дзяржавай і падтрымлівае рэжым санкцый супраць яе.
На заводзе "Южмаш" апублікавалі абвяржэнне інфармацыі, выкладзенай у артыкуле амерыканскага выдання і запэўніваюць, што не маюць якога-небудзь дачынення да паўночнакарэйскай ракетнай праграмы. "Ракеты і ракетныя комплексы ваеннага прызначэння ў гады незалежнасці "Южмаш" не выпускаліся і не выпускаюцца. Адзіны серыйны рухавік, які пастаўляецца ў апошнія гады на экспарт (РД-843 у Італію для еўрапейскай ракеты-носьбіта "Вега"), прызначаны для запуску і працы ва ўмовах адкрытага космасу і па сваіх характарыстыках (у тым ліку, па сіле цягі) не прыдатны для выкарыстання ў балістычных ракетах ваеннага прызначэння. "Южмаш", як дзяржаўнае прадпрыемства, цалкам выконвае патрабаванні Рэжыму кантролю за ракетнымі тэхналогіямі, удзельнікам якога Украіна з'яўляецца з 1998 года (фактычна — з 1995 года)", — гаворыцца ў паведамленні. Таксама на "Южмаш" абвяргаюць пастаўкі якіх-небудзь ракет або ракетных рухавікоў у Расію.
Нагадаем, у New York Times 14 жніўня быў апублікаваны артыкул, у якім, са спасылкай на экспертны аналіз Міжнароднага інстытута стратэгічных даследаванняў Майкла Еллемана, сцвярджалася, што Паўночная Карэя змагла правесці паспяховыя выпрабаванні міжкантынентальных ракет, здольных даляцець да ЗША, дзякуючы магутным ракетным рухавікам, вырабленым ва Украіне і атрыманым праз чорны рынак. 
Паводле liga.net