Украіна прызнала затанулы крэйсер «Масква» аб'ектам сваёй падводнай культурнай спадчыны

Украіна прызнала затанулы крэйсер «Масква» аб'ектам сваёй падводнай культурнай спадчыны, паведамілі ў Мінабароны Украіны.

Ракетны крэйсер «Масква» быў флагманам расійскага флоту, а стаў нумарам 2064 у рэестры падводнай культурнай спадчыны Украіны.
Згодна з Канвенцыяй ЮНЕСКА, усе сляды чалавечай дзейнасці на дне Чорнага мора ў межах эканамічнай дзейнасці Украіны з'яўляюцца ўласнасцю Украіны.
Расійскае мінабароны сцвярджае, што прычынай гібелі карабля сталі пажар і наступная дэтанацыя боезапасу, не паказваючы прычын узгарання. Карабель, кажуць расійскія вайскоўцы, атрымаў пашкоджанні корпуса і пры буксіроўцы падчас шторму страціў устойлівасць і затануў.
Прадстаўнікі ўладаў Украіны сцвярджаюць, што крэйсер «Масква» быў атакаваны ўкраінскімі ракетамі «Няптун». Расія гэта не прызнае.