Украіна. У Марыупалі, нягледзячы на стральбу, правялі Марш вышыванак і адзначылі Дзень горада
У Марыупалі, нягледзячы на стральбу, адсвяткавалі Дзень горада, правялі Марш вышыванак і парад ваеннай тэхнікі.
Як паведамляе мясцовае выданне www.0629.com.ua, на праспекце Леніна каля драматычнага тэатра адбыўся парад ваеннай тэхнікі.
Некалькі аўтамабіляў з ваеннымі зрабілі тры кругі вакол драматычнага тэатра, віншуючы марыупальцаў з Днём горада.
Як адзначыў гарадскі галава Юрый Хатлубей, "гэта зусім невялікая колькасць тэхнікі, якая ёсць у горадзе, але іншая яе частка зараз задзейнічана ў абароне Марыупаля ад расійскіх захопнікаў".
