Усе чыгуначныя вузлы з Расіяй разбураныя — «Укрзализныця»

Украінская чыгунка спыніла ўсялякія адносіны і ўзаемадзеянне з ААТ «Расійскія чыгункі» і разбурыла чыгуначныя вузлы з Расіяй. Таксама спыненая дыспетчарская сувязь з Расіяй.

Пра гэта паведаміла прэс-служба «Укрзалізныця», паведамляе www.unian.net.

АТ «Укрзалізныця» «спыніла любыя адносіны і ўзаемадзеянне з ААТ "Расійскія чыгункі". Мы прапаноўвалі чыгуначнікам Расійскай Федэрацыі мір і спыніць вайну, але яны працягвалі падвозіць танкі і іншую баявую тэхніку да Украіны і яе межаў. Чыгуначныя пераходы паміж краінамі, якія забяспечвалі раней перавозкі тысячы грузаў і прыносілі эканомікам абедзвюх краін мільёны долараў, разбураныя», — гаворыцца ў паведамленні.

Таксама спыненая дыспетчарская сувязь з РФ.

«Запыт РЖД на аднаўленне сувязі з АТ "Укрзализныця" не меў нічога агульнага з гуманітарнай місіяй, гэта была нікчэмная спроба аднавіць пастаўкі ваеннай тэхнікі. Адказ ад нашага дыспетчара яны атрымалі — гэта пазіцыя ўсёй кампаніі», — сказана ў паведамленні.

Адзначаецца, што «Укрзалізныця» цалкам пераарыентуе грузавыя перавозкі ў Еўропу і працягне развіваць «Шаўковы шлях» у абыход Расіі. Кампанія гатовая стаць паўнавартасным удзельнікам лагістычнага ланцугу Еўрапейскага саюза.