Вуліцамі Варшавы праходзіць шматтысячны «Марш незалежнасці» (ФОТА)

Агулам у Варшаве 11 лістапада адначасова праходзіла каля дзесяці масавых мерапрыемстваў.
Пачатак «Маршу незалежнасці». Фота PAP/Radek Pietruszka

Пачатак "Маршу незалежнасці". Фота PAP/Radek Pietruszka

«Марш незалежнасці» распачаўся ў цэнтры польскай сталіцы на Ратундзе Дмоўскага. Сёлета Марш праходзіць у дзясяты раз. Маштабная акцыя завершыцца каля Нацыянальнага стадыёна, у гэтым годзе маніфестанты ідуць пад лозунгам «Дбай аб усім народзе!».


 

 

Агулам у Варшаве 11 лістапада ў Дзень незалежнасці адначасова праходзяць каля дзесяці масавых мерапрыемстваў. Святкаванні 101 гадавіны незалежнасці прыцягнулі на варшаўскія вуліцы тысячы і тысячы палякаў:

— Раней мы вучылі святкаваць Дзень незалежнасці нашых дзяцей, цяпер вучым унукаў. Бачылі прэзідэнта. Вырашылі купіць нацыянальныя сцягі і значкі.

Палякі маюць неадназначнае стаўленне да «Маршу незалежнасці», часцяком у адрас удзельнікаў маршу гучаць абвінавачанні ў ксенафобіі і шавінізме. У сувязі з гэтым, адначасова з «Маршам незалежнасці» побач з ім праходзіць марш антыфашыстаў. Паводле папярэдніх дадзеных сутыкненняў паміж удзельнікамі дзвюх дэманстрацый не зафіксавана.

 

Марш антыфашыстаў

Марш антыфашыстаў

У сувязі з правядзеннем разнастайных урачыстых мерапрыемстваў цэнтральныя вуліцы польскай сталіцы закрытыя для руху дарожнага транспарту.

www.polskieradio.pl

Фота: PAP/Tomasz Gzell, Radek Pietruszka, Wojciech Olkuśnik.

 


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: