Yara падтрымалі Міжнародны дзень салідарнасці з Беларуссю

Еўрапейскі вытворчы савет нарвежскай кампаніі Yara International, якая закупляе беларускія калійныя ўгнаенні, падтрымаў ініцыяваны Святланай Ціханоўскай Міжнародны дзень салідарнасці з Беларуссю, які абвешчаны 7 лютага.

Савет «падтрымлівае барацьбу беларускага народа за дэмакратыю і ўмацаванне правоў працоўных», «асуджае палітычныя рэпрэсіі і звязаныя з імі гвалт і арышты». «Правы чалавека павінны заўсёды выконвацца», — гаворыцца ў заяве на сайце Yara.