З падлетка ў дыктатары?

У Паўднёвай Карэі ёсць меркаванне, што Кім Чжу Е, дзесяцігадовая дачка Кіма Чэн Ына, з'яўляецца найбольш верагодным яго пераемнікам на пасадзе кіраўніка дзяржавы. 

Паколькі нюансы асабістай біяграфіі паўночнакарэйскага лідара і яго сям’і звычайнай афіцыйна не раскрываюцца, ніводнай дакладнай інфармацыі пра дзяцей Кіма няма. Па словах паўднёвакарэйскай разведкі, цяпер у кіраўніка дзяржавы ёсць дзве дзяўчынкі і хлопчык. Кім Чжу Е, якая нарадзілася 19 лютага 2013 года, — другое дзіця. 

Чалавек, ад якога сусветная супольнасць упершыню даведалася пра існаванне Кім Чжу Е, — амерыканскі спартсмен Дэніс Родман. У сакавіку 2013 года Родман адправіўся ў Паўночную Карэю, каб запісаць нейкае шоу для HBO, а таксама дамовіцца пра магчымы выставачны матч паміж амерыканскімі і карэйскімі спартсменамі. У КНДР, акрамя ўсяго іншага, амерыканец сустрэўся з кіраўніком краіны і яго сваякамі і пасля пахваліўся, што бачыў маленькую Чжу Е. 

Упершыню дачка Кім Чэн Ына з'явілася на публіцы ў лістападзе 2022 года. Дзяўчынка суправаджала бацьку пры запуску балістычнай ракеты Hwasong-17. Інфармацыйнае агенцтва TSAT апублікавала фатаграфіі, на якіх кіраўнік Паўночнай Карэі абыходзіць ваенную тэхніку, трымаючы за руку дзяўчынку.

Падзея, відавочна, не была шэраговай. 14 лютага мінулага года Паўночная Карэя выпусціла шэраг паштовых марак, прысвечаных запускам ракеты, у тым ліку з выявай Чжу Е.

Пасля інспекцыі ракетаў дачка Кім Чэн Ына пачала рэгулярна з'яўляцца ў рэпартажах паўночнакарэйскай прэсы. Напрыклад, журналісты асвятлялі, як яна разам з бацькам наведала навукоўцаў і вайскоўцаў, удзельнічала ў нейкім банкеце і г.д. Днямі, 8 студзеня, Кім і яго дачка наведалі птушыную фабрыку. 

Менавіта рэгулярныя выхады дзяўчынкі на публіку дазволілі шмат каму ўбачыць у ёй будучага пераемніка Кіма. «На падставе комплекснага аналізу сацыяльнай актыўнасці, асоба Кім Чжу Е ў цяперашні час з'яўляецца найбольш верагодным пераемнікам дыктатара», — гаворыцца ў заяве аднаго з аналітычных цэнтраў Паўднёвай Карэі. 

Ёсць і датдатковыя аргументы на карысць падобнай тэорыі. У прэсе КНДР Чжу Е ўжо зараз называюць «Высакароднае дзіця», «Шаноўны нашчадак», «Любімая дачка» і г. д. У лютым мінулага году Radio Free Asia (RFA), спасылаючыся на ўласныя крыніцы ў КНДР, паведаміла, што ўрад зараз прымушае людзей, якіх завуць Чжу Е, шукаць сабе новае імя. 

Нельга забываць, што аналагічная практыка выкарыстоўвалася раней. У 2014 годзе паведамлялася, што паўночнакарэйскія ўлады забаранілі сваім грамадзянам выкарыстоўваць імя Кім Чэн для нованароджаных, каб «абараніць аўтарытэт лідара».

Зрэшты, для іншых экспертаў гэта інфармацыя не пераканаўчая. 

Па-першае, цяперашняму лідару КНДР няма нават 40 гадоў. Таму, нягледзячы на паведамленні пра яго хваробы і кепскія звычкі накшталт курэння, пытанне транзіта ўлады пакуль не актуальна. 

Па-другое, паводле мясцовай народнай традыцыі менавіта хлопчыкі атрымліваюць у спадчыну гаспадарку бацькоў. Нейкі партыйны чыноўнік нават ананімна паведаміў, што ў выпадку прызначэння Чжу Е кіраўніком дзяржавы, краіну чакаюць масавыя беспарадкі. 

Нарэшце, існуе цікавае меркаванне, што фотасесіі дзяўчынкі гэта толькі піяр. «Кім Чэн Ын за кошт дзяўчынкі проста стварае шоу, паказваючы людзям, што ён таксама добры бацька, а не проста жорсткі дыктатар, які звар’яцеў на ядзерных ракетах. Дзяўчынка можа быць выкарыстана як сімвал таго, што ядзерная зброя гатовая абараніць дзяцей ад знешніх пагроз», — тлумачыць расклад адзін з экспертаў. 

Таксама не выключаюць, што ажыятаж вакол падлетка — інфармацыйная аперацыя спецыяльных службаў. Гэта робіцца для таго, каб адцягнуць увагу ад сапраўднага пераемніка. 

Не будзем таксама забываць пра такі персанаж, як Кім Ё Чжон — малодшая сястра дыктатара. Менавіта яна, на думку экспертнай супольнасці, самы верагодны пераемнік, паколькі з'яўляецца высокапастаўленым чыноўнікам у знешняй палітыцы і сапраўды моцна ўплывае на курс рэжыму. 

Адным словам, меркаванні пра тое, што дзесяцігадовая дзяўчына ў выпадку сыходу з жыцця бацькі стане кіраўніком рэжыму, могуць быць заўчаснымі. Занадта мала вядома нам пра ўнутраную кухню клана Кіма і планы дыктатара наконт таго, хто стане спадчыннікам яго трона.