З пачатку АТА загінулі 125 украінскіх сілавікоў

Замежжа

Паводле слоў першага віцэ-прэм'ера Украіны, 96 з іх — вайскоўцы Узброеных сіл, 22 супрацоўніка МУС, а таксама памежнікі і супрацоўнікі СБУ.



ato_heroes.jpg

З пачатку антытэрарыстычнай аперацыі на ўсходзе Украіны загінулі 125 супрацоўнікаў ўкраінскіх сілавых структур. Пра гэта ўчора ў эфіры ICTV паведаміў першы віцэ-прэм'ер-міністр Украіны Віталь Ярэма.
Паводле яго слоў, 96 з іх — вайскоўцы Узброеных сіл Украіны, 22 супрацоўніка органаў унутраных спраў, а таксама памежнікі і супрацоўнікі СБУ.

Ярэма адзначыў, што ў большасці выпадкаў байцы АТА загінулі, калі перамяшчаліся ў самалёце або верталёце, спалі, але вельмі мала загінула непасрэдна ва ўзброеных супрацьстаяннях з тэрарыстамі. Першы віцэ-прэм'ер падкрэсліў, што гэта збольшага сведчыць пра высокі ўзровень падрыхтоўкі ўкраінскіх вайскоўцаў.


Што тычыцца выкарыстання салдат ВСУ ў АТА, Ярема адзначыў, што закон дазваляе прыцягваць да спецаперацыі ваеннаслужачых, калі фіксуюцца злачынствы супраць арміі. А такіх фактаў, адзначыў першы віцэ-прэм'ер, дастаткова, напрыклад, напад на воінскія часткі і вайскоўцаў.
Нагадаем, антытэрарыстычная аперацыя ў Данбасе пачалася 13 красавіка ў горадзе Славянск пасля таго, як сепаратысты захапілі будынкі органаў улады ў горадзе. Да спецаперацыі былі прыцягнуты сілы з усіх сілавых падраздзяленняў краіны. Затым у зону АТА трапіў шэраг раёнаў і населеных пунктаў Данецкай і Луганскай абласцей, якія ўзялі пад свой кантроль тэрарысты так званых ДНР і ЛНР.
news.liga.net