ЗША пабачылі небяспеку ў збліжэнні Расіі з Кітаем

Збліжэнне Расіі і Кітая можа прадстаўляць пагрозу нацыянальным інтарэсам ЗША. Пра гэта піша эксперт часопіса The National Interests Дуг Бэндоў.

«Нават перакананыя прыхільнікі перавагі Амерыкі пачалі нервавацца з-за супрацоўніцтва другой найбуйнейшай у свеце эканомікі і другой наймацнейшай у свеце арміі», - піша аўтар.
Па словах Бэндоў, Расія і Кітай перайшлі на новы ўзровень супрацоўніцтва пасля санкцыйнай палітыкі ЗША ў дачыненні да першай і эканамічнай вайны з другой. У выніку чаго кіраўнік Кітайскай Народнай Рэспублікі Сі Цзіньпін заклікаў выступіць «супраць гегемоніі і аднабаковасці», маючы на ​​ўвазе ЗША.
На думку Бэндоў, ЗША варта шукаць кампрамісы ў адносінах з Расіяй і пайсці на некаторыя саступкі, напрыклад згарнуць пашырэнне НАТО на ўсход. Ён адзначае, што мэтай знешняй палітыкі ЗША павінна быць не хаўрусніцтва з Расіяй, а недапушчэнне саюзніцтва Расіі з Кітаем.
У віншаванні Сі Цзіньпіна ў гонар заканчэння Другой сусветнай вайны прэзыдэнт Расіі Уладзімер Пуцін выказаў гатоўнасць прыкладаць усе намаганні для прадухілення войнаў і канфліктаў у свеце.
Раней амбасадар Расеі ў ЗША Анатоль Антонаў заявіў аб глыбокім крызісе ў адносінах дзвюх краін. На яго думку, у бліжэйшы час наўрад ці варта чакаць нейкіх прарываў у двухбаковых адносінах.
tut.by