Банк ВТБ (Беларусь) увёў звышмінімальныя абмежаванні на выдачу грошай па картах «МІР»

Банк ВТБ (Беларусь) з 23 чэрвеня ўводзіць абмежаванне на выдачу наяўных у банкаматах па картах «МІР», эмітаваных банкамі-нерэзідэнтамі.


За адну аперацыю можна будзе зняць не больш за 5 беларускіх рублёў, паведамляе REFORM.by.

5 рублёў — гэта самая дробная беларуская купюра. А манеты банкаматы не выдаюць.

У банку тлумачаць абмежаванні «тэхналагічнымі наладамі, якія працягваюцца».

Трэба адзначыць, што рознага роду абмежаванні на наяўныя аперацыі з картамі «МІР» банкаў-нерэзідэнтаў апошнім часам увялі і іншыя фінансавыя ўстановы Беларусі.




Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: