Bolt сыходзіць з Беларусі

Прычыны сыходу сэрвісу з беларускага рынку не называюцца.

«Платформа Bolt спыняе сваю дзейнасць на тэрыторыі Рэспублікі Беларусь», — гаворыцца ў паведамленні платформы.
Сэрвіс паездак таксі Bolt пачаў працаваць у Беларусі ў снежні 2020 года.
Сэрвіс Bolt створаны ў 2013 годзе і першапачаткова працаваў у Таліне і Рызе. Цяпер кампанія ахоплівае 40 краін — ад Еўропы да Мексікі і Афрыкі. Bolt дазваляе выклікаць таксі і прыватных кіроўцаў. У верасні 2018 года кампанія прапанавала яшчэ і электрычныя скутэры, пазней запусціла сэрвіс па дастаўцы ежы.