Цукерберг страціў 6,6 мільярда долараў з-за збояў у Facebook

Заснавальнік «Facebook» Марк Цукерберг з-за глабальных збояў сваёй сацыяльнай сеткі і сэрвісаў страціў 6,6 мільярда долараў і апусціўся на шостае месца ў спісе найбагацейшых людзей свету, вынікае з даных «Forbes Real-Time».

Паводле даных лічыльніка выдання, багацце Цукерберга скарацілася на 5,4% і склала 116,1 мільярда долараў.

Кіраўнік «Facebook» саступіў пятае месца ў спісе найбагацейшых людзей сузаснавальніку і распрацоўшчыку праграмнага забеспячэння «Oracle» Лары Элісану, які мае 117,8 мільярда долараў.

Раней карыстальнікі Facebook, Instagram і WhatsApp у розных краінах паведамілі пра маштабныя збоі ў працы сэрвісаў. Затым на гэтым фоне з'явіліся паведамленні пра праблемы ў працы Telegram, Twitter, Google і TikTok.

Паводле РІА «Новости».