Крутое піке малога бізнесу: У красавіку колькасць «мікраарганізацый» у Беларусі скарацілася на 5116 адзінку

Рана ці позна гэта павінна было здарыцца: малы і сярэдні бізнес у красавіку прадэманстравалі небывалае падзенне, піша тэлеграм-канал «Нашы грошы».

Колькасць мікраарганізацый, дзе занята да 15 чалавек, скарацілася на 5116 штук! І гэта толькі за красавік. Колькасць ІП таксама знізілася, але не так радыкальна — на 138. Аднак гэта пасля куды больш істотных прасадак у снежні (-1070), студзені (-1003) і сакавіку (-1171).

Колькасць сярэдніх арганізацый (дзе колькасць работнікаў ад 101 да 250 чалавек) знізілася ў красавіку на 26 адзінак, малых, з колькасцю ад 16 да 100 занятых, ўпала адразу на 830.

Усё гэта з'яўляецца непасрэдным адлюстраваннем не самых спрыяльных (мякка кажучы) умоў вядзення бізнесу пры безвясёлкавых перспектывах. Пры гэтым відаць, як рознага памеру бізнэсы па-рознаму адаптуюцца да такога становішча. Рост колькасці ІП у мінулым годзе быў вынікам зніжэння колькасці арганізацый больш буйных, бізнес драбнеў. Цяпер стала зніжацца прывабнасць і такой формы вядзення бізнесу.

Зніжэнне колькасці сярэдніх арганізацый пачалося з канца 2021 года на фоне ўсё большага закрыццях рынкаў, росту інфляцыі, ускладнення лагістыкі паставак і пагаршэння ўмоў фінансавання. Год таму назіраўся які-ніякі, але рост.

Рэзкае зніжэнне колькасці малых арганізацый у красавіку адзначалася і ў мінулым годзе, але тады было ліквідавана 332 такіх арганізацыі, а толькі ў красавіку 2022 года — 830.

Зніжэнне колькасці мікраарганізацый больш чым на 5 тысяч за адзін месяц выглядае зусім апакаліптычна. Асноўнае падзенне пры гэтым прыйшлося на бізнес у сталіцы (-1742 мікраарганізацыі) і Мінскай вобласці (-1114). Гэта значыць, найбольш хуткае скарачэнне ідзе ў тых рэгіёнах, дзе раней рынак быў больш развітым, а попыт больш плацежаздольным.

Запаволенне тэмпаў зніжэння колькасці ІП на гэтым фоне можа быць адлюстраваннем таго, што шэраг больш буйных бізнэсаў будзе спрабаваць выжываць у меншым фармаце.

У цэлым карціна па малому і сярэдняму бізнесу складаецца сумная. Ці знайшлі сябе вызваленыя рабочыя рукі на буйных дзяржаўных прадпрыемствах? Гэта наўрад ці, бо колькасць занятых у эканоміцы краіны ўжо даўно няўхільна падае. Усё выглядае так, быццам бізнес часткова банкрутуе, часткова з'язджае, часткова сыходзіць у цень. І гэта лагічнае следства ўсяго таго, што адбываецца ў Беларусі.