Малы і сярэдні бізнес заплацілі ў бюджэт Мінска 40% усіх паступленняў

За студзень-травень 2021-га ў кансалідаваны бюджэт Мінска паступіла 6 828,2 мільёна рублёў, паведамляе тэлеграм-канал myfin.by.

З гэтай сумы 4 226,9 мільёна накіравана ў рэспубліканскі бюджэт, а 2 601,3 мільёна — у мясцовы бюджэт.

Адзначаецца, што больш за 2700 мільёнаў рублёў паступіла ад кампаній малога і сярэдняга бізнесу (39,4%).

На топ-10 галоўных падаткаплацельшчыкаў прыйшлася траціна паступленняў. У дзясятку ўвайшлі:

• «Газпром трансгаз Беларусь», ААТ;

• «Тытунь-Інвест», ТАА;

• «Ашчадны банк "Беларусбанк"», ААТ;

• «Мабільныя тэлесістэмы», СТАА; «Мінскэнерга», мінскае рэспубліканскае ўнітарнае прадпрыемства электраэнергетыкі; «Слаўнафтахім», замежнае прадпрыемства,

• «А1», ЗАТ, унітарнае прадпрыемства па аказанні паслуг;

• «Новая нафтавая кампанія», ЗАТ;

• «Мінск Крышталь», ААТ — кіруючая кампанія холдынга «Мінск Крышталь Груп»;

• «Мінскі завод вінаградных вінаў», ЗАТ.