Мінгандлю прапанавала аднавіць выдачу льготных крэдытаў беларусам для набыцця айчынных тавараў
Міністэрства гандлю прапанавала аднавіць ільготнае спажывецкае крэдытаванне фізічных асоб для набыцця айчынных тавараў, паведамляе прэс-служба Мінгандлю.
Як растлумачыў першы намеснік міністра гандлю Артур Карповіч, у другой палове 2014 года прагназуецца зніжэнне тэмпаў росту рознічнага тавараабароту, што абумоўлена ў першую чаргу высокімі паказчыкамі, дасягнутымі ў мінулым перыядзе 2014 года (109,7% за восем месяцаў 2014 года пры заданні на 2014 год — 103,5%). Акрамя таго, пэўны ўплыў на паказчык аказваюць рэальныя размешчаныя грашовыя даходы насельніцтва, тэмп росту якіх за сем месяцаў склаў 103,6% да адпаведнага перыяду мінулага года.
У сувязі з гэтым, адзначыў Карповіч, Мінгандлю прапанавала ўраду аднавіць ільготнае спажывецкае крэдытаванне айчынных тавараў у 2015 годзе ў адпаведнасці з указам прэзідэнта № 371 ад 6 ліпеня 2009
года.
Гэтае пытанне прапрацоўваецца з Мінфінам з улікам магчымасцяў рэспубліканскага бюджэту.
Нагадаем, са жніўня 2009 года ААТ "Ашчадны банк "Беларусбанк", "Белаграпрамбанк", "Беларускі банк развіцця і рэканструкцыі
"Белінвестбанк", "Белпрамбудбанк" выдавалі грамадзянам ільготныя крэдыты на спажывецкія патрэбы для набыцця ў гандлёвых аб'ектах тавараў па пераліку, вызначаным
Саветам міністраў. Пры гэтым крэдытаванне праводзілася з бюджэтнай падтрымкай у выглядзе кампенсацыі банкам страт, звязаных з выдачай такіх крэдытаў.
Пастановай Савета міністраў Беларусі № 1010 ад 1 жніўня 2009 года быў вызначаны пералік тавараў, на набыццё якіх выдаюцца крэдытныя рэсурсы. Ён уключаў 55 таварных пазіцый, у тым ліку будаўнічыя
матэрыялы, бытавую тэхніку, вырабы сантэхкерамікі, мэблю, адзенне і іншыя тавары.
У маі 2011 года льготнае крэдытаванне было прыпыненае.
Марына Носава, БелаПАН