МВФ прагназуе абвал ЗВР Беларусі да $ 2,5 мільярдаў

Золатавалютныя рэзервы Беларусі могуць знізіцца ў два разы.



Міжнародны валютны фонд прагназуе зніжэнне золатавалютных рэзерваў Беларусі амаль у 2 разы з цяперашніх 4,5 да 2,5 млрд. (0,8 аб'ёму месячнага імпарту) на канец бягучага года разам з падзеннем ВУП на 2,3% і інфляцыяй на ўзроўні 22%.
 
 
Прагноз па зніжэнні ЗВР можна растлумачыць велічынёй выдаткаў на абслугоўванне знешняга дзярждоўгу і адсутнасцю, па меншай меры, на дадзены момант выразных крыніц фінансавання гэтых выдаткаў.
 
 
Характэрна, што эксперты фонду не рызыкнулі прадказваць курс беларускага рубля на канец 2015 альбо не сталі гэта рабіць па просьбе беларускіх уладаў.
 
 
Прагнозныя дадзеныя прыведзены ў прэс-рэлізе МВФ па выніках чарговага агляду эканомікі Беларусі.
 
 
МВФ адзначае вядомыя ўсім уразлівасці беларускай эканомікі і заклікае ўлады да рэформаў.
 
 
Пад рэформамі МВФ па-ранейшаму разумее лібералізацыю цэнаў, адмова субсідзіравання тарыфаў на транспарт і ЖКГ, адмену мэтавых паказчыкаў для прадпрыемстваў (абавязковыя планы), прыватызацыю.
 
 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: