Нарвежскі партнёр «БКК» і «Беларуськалія» занепакоены сітуацыяй у Беларусі

Нарвежская кампанія Yara, адзін з найбуйнейшых гульцоў рынку мінеральных угнаенняў, выступіла з заявай па сітуацыі Беларусі. Кампанія купляе калійныя ўгнаенні ў «Беларуськалія» праз трэйдара «Беларускую калійную кампанію».

У заяве гаворыцца, што кампанія паважае правы чалавека, свабоду выказвання меркаванняў і права ўдзелу ў выбару. Акрамя таго, яна прызнае і паважае правы працоўных, уключаючы права на страйк.

«Мы выразна чакаем, што нашы дзелавыя партнёры будуць прытрымлівацца нашых этычных прынцыпаў, што яны выконваюць законы і пастановы, а таксама міжнародна прызнаныя стандарты ў галіне правоў чалавека, правоў супрацоўнікаў і этычнага вядзення бізнесу» — гаворыцца ў заяве.

Yara уважліва сочыць за сітуацыяй у Беларусі, ацэньвае рызыкі для свайго бізнесу, сітуацыю з супрацоўнікамі БКК і «Беларуськалія», а таксама становішча ў Беларусі ў цэлым.

У заяве гаворыцца, што прадстаўнікі кампаніі падчас дыялогу з беларускімі партнёрам выказалі заклапочанасць становішчам спраў у Беларуси, пацікавіліся станам здароўя супрацоўнікаў.

«Мы чакаем, што з працоўнымі абыходзяцца добра і ў адпаведнасці з Кодэксам паводзін дзелавых партнёраў Yara», — напісана ў заяве.

Yara паведамляе, што да ведама кампаніі даведзеная інфармацыя пра шэрагу праблем. Усе пытанні падымаюцца ў дыялогу з беларускімі партнёрамі.

Пакуль у кампаніі мяркуюць, што працяг цеснага дыялогу з БКК і «Беларуськаліем» можа аказаць найбольш станоўчы ўплыў.

Працоўныя «Беларуськалія» спрабавалі арганізаваць забастоўку ў сярэдзіне жніўня. Шэраг чальцоў стачкама ўжо звольненыя з працы, альбо пасля ціску сілавікоў выехалі за межы краіны. Некаторыя з актывістаў падвергнутыя адміністрацыйнаму арышту за ўдзел у несанкцыянаваных акцыях. На мінулым тыдні суд прызнаў страйк незаконным. Учора пракуратура заявіла, што ацэньвае памер шкоды, нанесенай «Беларуськалію» забастоўкай, з тым каб затым разгледзець пытанне прад'яўлення пазоваў па яго кампенсацыі.

Кампанія Yara валодае магутнасцямі для вытворчасці азотных угнаенняў. Калійныя ўгнаенні яна закупляе для вытворчасці змешаных.

Паводле REFORM.by