Пуцін хоча прадаваць «недружалюбным краінам» газ за рублі. Германія ўжо адмовілася

Уладзімір Пуцін сёння, 31 сакавіка, паведаміў, што цяпер будуць дзейнічаць новыя правілы гандлю газам з «недружалюбнымі краінамі». Ён падпісаў адпаведны ўказ. Новыя правілы ўступаюць у сілу 1 красавіка.

«Недружалюбныя краіны» павінны будуць адкрываць рублёвыя рахункі ў банках Расіі для аплаты паставак.

Пуцін падкрэсліў, што дзеючыя цяпер кантракты на пастаўку газу будуць спыненыя, калі пакупнікі з «недружалюбных краін» не выканаюць новыя ўмовы аплаты.

Германія ўжо заявіла, што адмаўляецца плаціць Расіі ў рублях.

Пра гэта заявіў канцлер Германіі Олаф Шольц: «Мы паглядзелі дамовы, аплата там здзяйсняецца ў еўра і доларах, я сказаў Пуціну, што так яно і застанецца».

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: