Рэкорд за 10 гадоў: Рынак кватэр у Мінску на піку

У кастрычніку ў Мінску здзейснена 1458 здзелак куплі-продажу кватэр — рэкорд для гэтага месяца як мінімум за апошнія 10 гадоў.

Хоць у параўнанні з летам восенню актыўнасць крыху знізілася, яна ўсё яшчэ застаецца рэкордна высокай з улікам сезоннасці, піша Thinktanks.by.

Працягвае расці і колькасць аб'яў аб продажы кватэр — за месяц яна павялічылася на 12%, што звязана з выхадам на рынак кватэр у новабудоўлях, пераважна ў комплексе «Мінск Мір».

Тым не менш, у новых гатовых дамах кватэры ў кастрычніку куплялі значна радзей, чым да гэтага ў верасні — толькі ў 9% выпадкаў. Звычайна іх доля ў рамках месяца складае 12-13%.

 

Сярэдняя цана прададзеных кватэр у Мінску за кастрычнік 2022 года ў параўнанні з папярэднім месяцам знізілася на 3.5% і склала 1165 $ за квадратны метр.

«Такое зніжэнне сярэдняй цаны кватэр у аб'явах звязана з тым, што ў кастрычніку зніжаліся цэны на кватэры ў новабудоўлях, а таксама на рынак выйшла больш новых танных кватэр».

Без уліку новабудоўляў сярэдняя цана прапановы за квадратны метр у кастрычніку 2022 года складала 1336 $ (+0.8% за месяц).

У большасці бліжэйшых буйных гарадоў суседніх краін у параўнанні з папярэднім месяцам цэны ў доларавым эквіваленце таксама знізіліся — але не больш, чым на 2.5%.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: