Стаўку рэфінансавання захавалі на ўзроўні 7,75%, хоць інфляцыя расце

Нацыянальны банк сёння прыняў рашэнне па стаўцы рэфінансавання. Яе пакуль пакінуць на цяперашнім узроўні — 7,75%, хоць інфляцыя ў студзені яна дасягнула 7,7%.

Пры гэтым рэгулятар вырашыў адмовіцца ад запланаванага графіка разгляду стаўкі і будзе вяртацца да гэтага пытання «па меры неабходнасці».

«Стаўка рэфінансавання і працэнтныя стаўкі па аперацыях рэгулявання ліквіднасці Нацыянальнага банка захоўваюцца на ранейшым узроўні. Устаноўлены на 2021 год графік пасяджэнняў праўлення Нацыянальнага банка па пытаннях грашова-крэдытнай палітыкі адмяняецца. Пытанні змены стаўкі рэфінансавання і ставак па інструментах рэгулявання ліквіднасці банкаў будуць разглядацца па меры неабходнасці», — паведамілі ў прэс-службе.

Нагадаем, стаўка рэфінансавання захоўваецца на ўзроўні 7,75% гадавых з 1 ліпеня 2020 года. Летась яна зніжалася тройчы.

Для абмежавання інфляцыі Нацбанк прыняў шэраг рашэнняў, «накіраваных на ўзмацненне кантролю за прыростам рублёвай грашовай базы і шырокай грашовай масы».

Паводле onliner.by