Такаеў сустрэўся з кіраўніком ЕPAM Systems Добкіным, каб абмеркаваць стварэнне IT-хаба ў Казахстане

Сустрэча адбылася ў Нью-Ёрку, дзе ў гэтыя дні праходзіць 77-я сесія Генасамблеі ААН. Акрамя Добкіна прэзідэнт Казахстана Касым-Жамарт Такаеў правёў перамовы з кіраўнікамі яшчэ шэрагу буйных сусветных ІТ-кампаній.

«Пытанні стварэння паўнавартаснага тэхналагічнага хаба ў Казахстане і павышэння чалавечага капіталу ў сферы IT сталі прадметам сустрэчы з заснавальнікам і старшынёй савета дырэктараў ЕPAM Systems Аркадзем Добкіным. Кампанія ўваходзіць у лік вядучых сусветных пастаўшчыкоў праграмнага забеспячэння і лічбавых паслуг», гаворыца аб сустрэчы на афіцыйным сайце прэзідэнта Казахстана.

EPAM System — амерыканская кампанія з беларускімі каранямі. Пасля падзей 2020 года кампанія масава рэлацыравала сваіх супрацоўнікаў. Новая хваля рэлакацыі адбылася (і дагэтуль працягваецца) пасля расійскага ўварвання ва Украіну.

Таксама назіраецца сыход у цэлым распрацоўшчыкаў у эміграцыю.

Пасля выбараў 2020 года Лукашэнка неаднаразова пагражаў беларускім айцішнікам, убачыўшы ў іх сваіх ворагаў. Раней ён абразліва называў іх «яйцагаловымі».

Пасля затрыманняў сілавікі, насуперак закону, прымушаюць супрацоўнікаў галіны называць свае заробкі, каб выклікаць у грамадстве варожасць да «буржуйчыкаў».


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: