У Латвіі перахоплена 420 тысяч кантрабандных беларускіх цыгарэт. Іх знайшлі ў скрутках дроту

Упраўленне мытні Службы дзярждаходаў і памежнай аховы Латвіі падчас праверкі грузавога цягніка выявіла 420 000 цыгарэт. 21 000 пачкаў былі схаваны ў скрутках металічнай дроту, паведамляе delfi.lv.

Цыгарэты былі знойдзены 5 ліпеня на Даўгаўпілскім таварным вакзале. Цягнік перасёк мяжу праз пункт памежнага кантролю «Індрас», дзе падчас праверкі ў супрацоўніка памежнай аховы ўзніклі падазрэнні, што ў цягніку перавозяць незадэклараваны тавар.

Згодна з суправаджальным дакументам, жалеза і металічны дрот была адпраўлены з Украіны атрымальніку ў Эстоніі.

Упакоўкі цыгарэт былі пад маркамі «Прэм'ер» і «NZ Gold» з беларускімі акцызамі. Справа перададзена падатковай і мытнай паліцыі для ўзбуджэння крымінальнага працэсу.