У выніку карупцыі сусветная эканоміка кожны год губляе 2,6 трлн долараў

Штогадовы аб'ём хабараў у сусветным маштабе складае адзін трыльён долараў. Карупцыя прыводзіць да таго, што сусветная эканоміка губляе 2,6 трлн долараў. Гэтыя сродкі складаюць больш за пяць адсоткаў глабальнага ВУП.

Гэтыя лічбы прывёў Генеральны сакратар ААН Антоніу Гутэррыш. Ён заклікаў зрабіць усё магчымае для спынення хабарніцтва, падману і махлярства, паведамляе Цэнтр навін ААН.
«Карупцыя існуе ва ўсіх краінах — багатых і бедных, на поўначы і на поўдні. Яна з'яўляецца замахам на каштоўнасці і ідэалы Арганізацыі Аб'яднаных Нацый. Карупцыя пазбаўляе людзей школ, бальніц, адпужвае інвестараў і вядзе да разбазарвання прыродных рэсурсаў. Яна падрывае вяршэнства права і спрыяе здзяйсненн. іншых злачынстваў...», — заявіў Генеральны сакратар у пасланні з нагоды Міжнароднага дня барацьбы з карупцыяй.
Ён падкрэсліў, што ўхіленне ад выплаты падаткаў, адмыванне грошай і іншыя фінансавыя махінацыі падрываюць намаганні па дасягненні Мэтаў устойлівага развіцця.
«Па дадзеных Сусветнага эканамічнага форуму, штогадовыя страты, звязаныя з карупцыяй, складаюць не менш за 2,6 трлн дол. ЗША, або 5 працэнтаў сусветнага валавога ўнутранага прадукту», — адзначыў кіраўнік ААН. Антоніу Гутэррыш заклікаў аб'яднацца ў барацьбе з карупцыяй і дамагацца вяртання выкрадзеных актываў.