Атаман Улаховіч параўнаў Партыю БНФ з Ісламскай Дзяржавай

Вярхоўны атаман беларускіх казакоў Мікалай Улаховіч завіў аб планах стварыць "Беларускае казачае войска".



94148ea08c33af09a7099a0d3e1182ea.jpg

Рэспубліканскае грамадскае аб'яднанне “Беларускае казацтва” плануецца рэарганізаваць у “Беларускае казачае войска”, заявіў вярхоўны атаман арганізацыі Мікалай Улаховіч, выступаючы на ​​пазачарговым сёмым вялікім крузе казакоў, які праходзіць 6 лютага ў Мінску, паведамляе БелаПАН.

Ён адзначыў, што аб'яднанне было створана 20 гадоў таму.

“За гэты час галоўная мэта — адраджэнне беларускага казацтва, лічу, выкананая. Цяпер неабходна ствараць “Беларускае казачае войска”, накшталт тых, якія дзейнічаюць у Расеі”, — сказаў Улаховіч.

Пры гэтым ён падкрэсліў, што стварэнне казацкага войскі неабходна правесці ў адпаведнасці з заканадаўствам Беларусі.

Улаховіч адзначыў, што асноўнай задачай казакоў з'яўляецца воінская служба. Неабходнасць стварэння казацкага войскі ў Беларусі ён патлумачыў і тым, што наша дзяржава мяжуе з краінамі НАТА.

Паводле яго слоў, Беларусі неабходныя спакой і парадак, а не хаос. Такія арганізацыі, як Партыя БНФ, ён назваў “параўнальнымі з Ісламскай Дзяржавай”. Пры гэтым беларускіх казакоў вярхоўны атаман лічыць антыфашыстамі. “Мы хочам вырасціць моцных духам ваяроў, выхаваных на ідэалах патрыятызму і праваслаўя”, — заявіў Улаховіч.

У мерапрыемстве бяруць удзел прыкладна 80 чалавек.

Улаховіч з'яўляўся кандыдатам у прэзідэнты 2015 года, падчас якіх за яго прагаласавала, па афіцыйных дадзеных, 1,7% выбаршчыкаў.

Паводле: Белорусский партизан