Бел-чырвона-белая прыгажосць нашых вуліц (фота)

На 12 верасня ў Беларусі абвешчаны суботнік. Але жыхары розных гарадоў Беларусі і самі ведаюць, якімі мусяць быць нашы раёны і працягваюць іх упрыгожваць, нягледзячы на перашкоды камунальнікаў і сілавікоў. Свежыя порцыя крэатыву. 

У Гомелі вось так упрыгожылі спартовую пляцоўку. У пасланні работнікам, якія прыйдуць зразаць стужкі, людзі пішуць: "Паважаныя работнікі! Мы вельмі цэнім вашу працу. На жаль, зараз да вашых абавязкаў дадалося зразанне стужак. На жаль, але стужкі, кветкі і паветраныя шарыкі — гэта адзіныя нашы сродкі супраць дубінак і куль. Мы супраць гвалту, мы не хочам майдану, наша мэта — свабодная Беларусь і справядлівыя выбары. Закон адзін для ўсіх і ўсе роўныя перад законам. Злачынствы супраць беларускага народа павінны быць расследаваныя, вінаватыя павінны быць пакараныя".

Фота даслалі чытачы @nashaniva

Гэтае відэа даслаў tut.by чытач з Заводскага раёна Гродна. На ім жанчыны пад наглядам двух мужчын зразаюць бел-чырвона-белыя стужкі з плота. Спачатку адзін з мужчын спрабуе перашкодзіць аўтару здымаць відэа, а пасля жанчына, якая зрэзала стужкі, пачынае хутка ісці на яго са словамі "Ты хто такі?!" і з прадметам у руцэ, падобным на нож.