Беларусы могуць атрымаць шэнгенскую візу на два і болей гадоў у консульстве Літвы
Дырэктар консульскага дэпартаменту МЗС Літоўскай Рэспублікі пацвердзіў прадстаўнікам кампаніі “У Беларусь і Еўропу — БЕЗ ВІЗЫ! права беларусаў на атрыманне шэнгенскіх візаў на два і болей гадоў. За 2011 год літоўскія консульствы выдалі ўжо болей за паўтысячы такіх візаў. Гэтае рашэнне было прынятае ў тым ліку і дзякуючы намаганням актывістаў кампаніі “У Беларусь і Еўропу — БЕЗ ВІЗЫ!
Дырэктар консульскага дэпартаменту МЗС Літоўскай Рэспублікі пацвердзіў прадстаўнікам кампаніі “У Беларусь і Еўропу — БЕЗ ВІЗЫ! права беларусаў на атрыманне шэнгенскіх візаў на два і болей гадоў. За 2011 год літоўскія консульствы выдалі ўжо болей за паўтысячы такіх візаў. Гэтае рашэнне было прынятае ў тым ліку і дзякуючы намаганням актывістаў кампаніі “У Беларусь і Еўропу — БЕЗ ВІЗЫ!
“Міністэрства замежных спраў інфармуе, што і грамадзяне Беларусі, і грамадзяне іншых трэціх дзяржаў маюць права звяртацца ў амбасады і консульскія ўстановы Літоўскай Рэспублікі з заявай на
выдачу шэнгенскіх візаў тэрмінам дзеяння да пяці гадоў, — гаворыцца ў лісце дырэктара консульскага дэпартаменту МЗС Літоўскай Рэспублікі Андруса Пулокаса. Ліст быў накіраваны
прадстаўнікам кампаніі “У Беларусь і Еўропу — БЕЗ ВІЗЫ!.
Нагадаем, раней 42 беларускія і замежныя арганізацыі звярнуліся да Міністэрства замежных справаў Літвы з просьбай дазволіць беларусам атрымліваць шматразовыя шэнгенскія візы працягласцю да пяці гадоў
(http://bel.novisa.by/node/118). Вынікам звароту і далейшай перапіскі з МЗС стаў адказ Андруса Пулокаса, які афіцыйна пацвердзіў права беларусаў на
атрыманне ў літоўскіх консульскіх установах шэнгенскіх візаў, тэрмінам дзеяння ў два і болей гадоў.
Паводле інфармацыі спадара Пулокаса, на працягу 2011 года ў дыпламатычных прадстаўніцтвах Літвы ў Беларусі былі выдадзеныя 584 візы тэрмінам дзеяння ў два і болей гадоў.
"Добра, што цяпер ёсць афіцыйнае пацверджанне ад МЗС Літвы, што візы тэрмінам на 5 гадоў — гэта рэальна, — кажа прадстаўнік кампаніі “У Беларусь і Еўропу —
БЕЗ ВІЗЫ! Вадзім Вілейта. — Будзем разлічваць, што гэтая практыка будзе пашырацца, і беларусам, якія мусяць часта ездзіць у Літву, не трэба будзе адстойваць чэргі ў амбасаду
штогод.
“На жаль, захоўваюцца бюракратычныя перашкоды на іншых этапах афармлення візы, — падкрэслівае Вілейта. — Напрыклад, яшчэ зусім нядаўна грамадзянам Літвы органы міграцыі не
дазвалялі высылаць афіцыйнае запрашэнне для беларускага грамадзяніна больш як на 1 год. Гэта аўтаматычна робіць немагчымым афармленне візы на даўжэйшы тэрмін. Спадзяюся, што цяпер, калі ёсць афіцыйны
адказ з МЗС, нам удасца пераканаць супрацоўнікаў міграцыі, што абмяжоўваць тэрмін запрашэння яны не маюць права, бо ў лісце ад А. Пулокаса чорным па белым напісана: “у прававых актах
Літоўскай Рэспублікі не вызначана, на які максімальны тэрмін можа быць зацверджанае запрашэнне замежнаму грамадзяніну часова прыбыць у Літоўскую Рэспубліку.
Рэкамендуем беларускім грамадзянам, якія настроеныя пераконваць літоўскіх дыпламатаў выдаваць візы на як мага даўжэйшы тэрмін, раздрукаваць адказ, атрыманы кампаніяй "БЕЗ ВІЗЫ" з
літоўскага міністэрства на мове арыгіналу і ў перакладзе ды карыстацца імі.
Кампанія “У Беларусь і Еўропу — БЕЗ ВІЗЫ! гатовая аказаць інфармацыйную падтрымку па пытаннях атрымання шэнгенскіх візаў. З любымі пытаннямі звяртацейся, калі ласка, праз
форму кантакту на сайце www.novisa.by (http://bel.novisa.by/contact).
Нагадаем, што кааліцыя “У Беларусь і Еўропу — БЕЗ ВІЗЫ! ўтварылася ў 2010 годзе дзякуючы намаганням беларускіх грамадскіх арганізацый і іх партнёраў у краінах ЕС. Яна
паслядоўна адсочвае і дамагаецца ажыццяўлення крокаў па спрашчэнні, а ў будучыні — паступовай адмены візавага рэжыму, які падзяляе Беларусь і Шэнгенскую зону, як тое прадугледжана праграмай
ЕС “Усходняе партнёрства.
Па дадатковую інфармацыю звяртайцеся:
Вадзім Вілейта, кааліцыя “У Беларусь і Еўропу — БЕЗ ВІЗЫ!
+ 370 61482880
info@novisa.by
Паводле spring96.org