Bloomberg: ЕС у пятніцу ўхваліць санкцыі супраць беларускіх авіякампаній

Калі гэтыя санкцыі будуць ухваленыя, яны могуць уступіць у сілу ўжо ў ноч на суботу, паведамляе TUT.BY.

«Еўрапейскія дыпламаты, як чакаецца, ухваляць у пятніцу забарону на палёты беларускіх перавозчыкаў ў еўрапейскай паветранай прасторы», — піша Bloomberg са спасылкай на крыніцы.

Паводле дадзеных крыніц, калі гэтыя меры будуць ухваленыя, яны могуць уступіць у сілу ўжо ў ноч на суботу.

Акрамя таго, на наступным тыдні ЕС збіраецца абмеркаваць далейшыя абмежавальныя меры ў дачыненні да як мінімум сямі фізічных асоб і адной арганізацыі.

«У цяперашні час санкцыйны спіс, які абмяркоўваецца, уключае міністраў, прадстаўнікоў ВПС Беларусі і іншых звязаных з авіяцыяй асоб», — прыводзіць агенцтва словы крыніц.