«Белавія» вывезла больш за 700 турыстаў з міжземнаморскіх курортаў. Але якім маршрутам!

У прэс-службе беларускага авіяперавозчыка распавялі, што 1 чэрвеня двума рэйсамі з туніскай Энфіды ў Мінск даставілі 346 пасажыраў. У найбліжэйшыя дні плануюць яшчэ два рэйсы з Туніса, каб вывезці больш за 300 чалавек.

2 чэрвеня з Цівата (Чарнагорыя) вывезлі 189 пасажыраў, з Тыраны — 168. Цяпер у авіякампаніі прапрацоўваюць варыянты, каб вывезці беларусаў з Кіпра.

Улічваючы, што большасць краін закрылі сваё неба для Беларусі,«Белавія» вымушаная была шукаць альтэрнатыву. TUT.BY звярнуў увагу, што маршрут аказаўся, мякка кажучы не вельмі прамым.