Дашкевіча і Пальчэўскага вызвалілі пасля затрыманняў

Актывістаў Змітра Дашкевіча і Сяргея Пальчэўскага, якія меліся сёння ўдзельнічаць у зборы подпісаў на мінскім праспекце Незалежнасці за наданне бел-чырвона-беламу сцягу статусу гісторыка-культурнай каштоўнасці, на некалькі гадзінаў затрымала міліцыя.

Збор подпісаў на мінскім праспекце Незалежнасці за наданне бел-чырвона-беламу сцягу статусу гісторыка-культурнай каштоўнасці.


Змітра Дашкевіча трымалі ў Першамайскім РУУС Мінску, а Сяргея Пальчэўскага — у Цэнтральным, паведаміла “Радыё Свабода” жонка Змітра Дашкевіча, Наста Дашкевіч.

24 верасня з 11-ай раніцы на менскім праспекце Незалежнасці праходзіў збор подпісаў за наданне бел-чырвона-беламу сцягу статусу гісторыка-культурнай каштоўнасці.

Акцыю зладзілі актывісты «Маладога фронту» і аргкамітэту партыі «Беларуская хрысціянская дэмакратыя». Адзін з арганізатараў збору подпісаў Зміцер Дашкевічна акцыю не з’явіўся. Таксама актывісты не дачакаліся Сяргея Пальчэўскага, які мусіў прывезці збіральнікам подпісаў адмысловую расцяжку, якая б інфармавала пра акцыю. Пальчэўскі, паводле звестак «Маладога фронту», быў затрыманы на ўваходзе ў метро. Іншых збіральнікаў подпісаў міліцыянты не затрымлівалі і не заміналі імі падчас акцыі.


"Радыё Свабода"



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: