ДзяржСМІ будуць карміцца за кошт дырэктыўнага збору з рэкламадаўцаў

Аляксандр Лукашэнка 31 сакавіка падпісаў указ № 131 «Аб развіцці сродкаў масавай інфармацыі». Дакумент усталёўвае збор за размяшчэнне рэкламы, які будзе накіроўвацца на падтрымку дзяржаўных СМІ, паведамляе прэс-служба Лукашэнкі.

Указам усталёўваецца збор за размяшчэнне рэкламы ў памеры 10% пры размяшчэнні вонкавай рэкламы і рэкламы на транспарце, у іншых выпадках — 20% ад кошту паслуг па распаўсюджванні рэкламы. Збор будзе выплачвацца рэкламадаўцамі і накіроўвацца на падтрымку дзяржаўных сродкаў масавай інфармацыі.

Акрамя таго, змененая стаўка падатка на дабаўленую вартасць пры аказанні паслуг перадачы даных з 25 да 26%.

«Дакумент прыняты ў мэтах забеспячэння ўстойлівага эканамічнага становішча нацыянальных сродкаў масавай інфармацыі, вытворчасці ў неабходным аб'ёме якаснага беларускага кантэнту», — лічаць у прэс-службе Лукашэнкі.

Паводле reform.news.