Эдуард Бабарыка застаецца ў СІЗА

Палітзняволены Эдуард Бабарыка бесперапынна ўтрымліваецца пад вартай без суда ўжо больш за 23 месяцы. Сёння яму зноў адмовілі ў вызваленні.

Эдуард Бабарыка

Эдуард Бабарыка

Сёння суддзя Міхаіл Макарэвіч разгледзеў скаргі Эдуарда Бабарыкі і яго адваката на падаўжэнне тэрміну ўтрымання пад вартай. У выніку ў вызваленні з-пад варты Бабарыку-малодшаму было адмоўлена, ён застаецца ў зняволенні.

Адвакат падаў скаргу ў вышэйшую інстанцыю, скаргу разгледзяць на наступным тыдні, паведамляе тэлеграм-канал Віктара Бабарыкі.

Эдуард Бабарыка быў затрыманы 18 чэрвеня 2020 года разам з бацькам, калі ішоў у ЦВК здаваць сабраныя подпісы. Затрыманне ажыццяўляў Дэпартамент фінансавых расследаванняў Камітэта дзяржкантролю.
Палітвязню прад'яўленыя абвінавачанні:

  • ч. 1 арт. 293 Крымінальнага кодэкса — Арганізацыя масавых беспарадкаў
  • арт. 243 Крымінальнага кодэкса — Ухіленне ад выплаты сум падаткаў, збораў
  • арт. 130 Крымінальнага кодэкса — Распальванне варожасці ці варажнечы
Падтрымайце палітвязня па адрасе: СІЗА-1, 220030, Мінск, Валадарскага, 2, Эдуард Віктаравіч Бабарыка.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: