Генадзь Хазанаў пра Курапаты: Я б у такі рэстаран не пайшоў ні пры якіх абставінах!

Расійскі актор Генадзь Хазанаў вядомы не толькі сваімі пародыямі, але і ролямі — у тым ліку і гратэскным увасабленнем вобразу Сталіна. Ён распавёў «Радыё Свабода», чаму тое, што адбываецца каля Курапата цяпер, не магло здарыцца тры дзесяцігоддзі таму.

Сваю ацэнку сітуацыі вакол Курапатаў Генадзь Хазанаў пачаў з адказу на пытанне — чаму тое, што адбываецца сёння каля ўрочышча, немагчыма было тры дзесяцігоддзі таму, калі грамадству адкрылася праўда пра бальшавіцкія рэпрэсіі?

«Усе спробы "прышыць" памяць пакаленням будуць упірацца ў вельмі моцную рэч, такую, як адпрэчванне, як нежаданне. У спробу самазахавацца ў няведанні.

Людзям здаецца, што калі яны нечага не ведаюць, дык гэтага ніколі і не было. Мне падаецца, што гэта адна з самых вялікіх памылак.

Я нікому ніякіх рэцэптаў не магу прапісваць, але магу вам сказаць адназначна — я б ніколі ў такі рэстаран не пайшоў, ні пры якіх абставінах! Улічваючы, як цяпер прынята казаць, "бэкграўнд" усёй гэтай гісторыі, улічваючы колькасць нявінна забітых, целы якіх там ляжаць».