«Гэта маленькая перамога!» Справу затрыманай за бела-чырвона-белую сукенку жанчыны адправілі на дапрацоўку

Наталлю Клімовіч затрымалі за бела-чырвона-белую сукенку і абвінавацілі ў "парушэнні парадку арганізацыі і правядзення масавых мерапрыемстваў». Аднак Наталля кажа, што яе затрымалі не падчас мерапрыемства, а на працоўным месцы, і падставай стаў менавіта  колер сукенкі.

У дачыненні да Наталлі Клімовіч быў распачаты адміністрацыйны працэс па частцы 1 артыкула 23.34 КААП. Наталлю затрымалі на працы ў ювелірнай майстэрні, якая знаходзіцца ў цэнтры Брэста. 11 жніўня каля 17.00 у памяшканне прыйшла міліцыя. Міліцыянты ўбачылі на Наталлі бел-чырвона-белую сукенка і без тлумачэння прычынаў затрымалі жанчыну. Наталлі Клімовіч правяла ў СІЗА двое сутак. А потым даведалася, што яе чакае суд.

— 25 жніўня я азнаёмілася з матэрыялу справы: там напісана, што 11 жніўня ў 17.05 я была ў натоўпе пратэстоўцаў, выкрыквала лозунгі, якія крытыкуюць дзейную ўладу, супрацоўнікі міліцыі мяне неаднаразова папярэджвалі пра адказнасць, але я ніяк не рэагавала. Гэта, вядома, няпраўда. Самае смешнае, што ў тэксце рапарту нават не знайшлі час памяняць мужчынскі род на жаночы — я там усюды «ўдзельнічаў», «выкрыкваў», — пра гэта распавяла «Камсамольскай праўдзе сама Наталля Клімовіч.

Суд адбыўся сёння, 28 жніўня. Наталля распавяла суду, што «не ўдзельнічала ў тым, чаго не было». Паводле яе слоў, у той дзень яна не бачыла, што на пешаходнай вуліцы праходзяць якія-небудзь масавыя мерапрыемствы. Каля 16.00 яна выйшла ў краму па хлеб. Калі вярталася назад, у 50–70 метрах ад месца працы яна заўважыла кветкі, якія ляжалі на дарозе, і спынілася. Побач з імі стаяла невялікая група людзей. Але яны не выкрыквалі лозунгі. На іх тварах, успамінае жанчына, чытаўся страх. І ёй стала цікава. Яны распавялі Наталлі, што гэтыя кветкі, хутчэй за ўсё, ускладзеныя ў знак памяці пра чалавека, які быў напярэдадні забіты падчас мірных акцый пратэсту. Пасля пачутых гісторый Наталлю таксама апанаваў страх. Праз пару хвілін яна вярнулася ў майстэрню. А каля 17.15 туды ж увайшлі супрацоўнікі міліцыі. Пасля чаго яе і затрымалі, паведамляе www.b-g.by

— Суддзя адправіў справу на дапрацоўку ў РАУС Брэсцкага раёна з прычыны відавочных супярэчнасцяў у пратаколе. На гэта ім далі 2 месяцы. Атрымліваецца, што я не асуджаная і не апраўданая. Але паколькі я рыхтавалася да горшага і думала, што ўжо гэтую ноч правяду ў СІЗА, лічу, што гэта маленькая перамога, — сказала Наталля Клімовіч.

Паводле www.kp.by, www.b-g.by, tut.by