Хронікі рэпрэсій за 5 сакавіка

Грамадства

З 2020 года пад крымінальны пераслед па палітычных матывах у Беларусі было прыцягнута больш за 1030 жанчын, паведамляюць праваабаронцы.

hroniki_represij2_logo.png_logo_1.webp
  • Чарговае папаўненне Спіса экстрэмісцкіх матэрыялаў

У яго трапілі:

Telegram-каналы і чаты «Совет г. Новополоцка», «Ігар Тышкевіч»;


Instagram старонка «Совет г.Новополоцка» 


YouTube-канал «Тренды: популярные видео Беларуси»;


TikTok-старонка «Vadym1.0».


  • Трое дэпутатаў нямецкага Бундэстага сталі «хроснымі» Данііла Чарнакова, Аляксандра Балонкіна і Генадзя Драздова

У межах кампаніі салідарнасці #WeStandBYyou Оттмар фон Хольц («Саюз 90/Зялёныя»), Луіза Ліцына-Бодэ (Сацыял-дэмакратычная партыя Германіі) і Міхаэль Захер («Саюз 90/Зялёныя») сталі «хроснымі» беларускіх палітвязняў.

«Свабода выказвання меркаванняў з'яўляецца адным з краевугольных камянёў дэмакратыі і вяршэнства закона; яе ажыццяўленне не з'яўляецца злачынствам».

Глядзіце таксама

  • У Гомелі пачынаецца суд над журналістам-фрылансерам Андрэем Толчыным

Гомельскі абласны суд пачынае разглядаць справу палітзняволенага гомельскага журналіста-фрылансера Андрэя Толчына. 

64-гадовага журналіста абвінавачваюць у садзейнічанні экстрэмісцкай дзейнасці (ч. 1 арт. 361-4 КК), дыскрэдытацыі Беларусі (арт. 369-1 КК) і паклёпе на Лукашэнку (ч. 2 арт. 367 КК). Справу прызначаны разглядаць суддзя Дзмітрый Казлоў.

Андрэй Толчын — даўні стваральнік гарадской газеты «Гомельскія ведамасці», журналіст-фрылансер, які супрацоўнічаў з некалькімі незалежнымі выданнямі. 

Толчына неаднаразова затрымлівалі і судзілі за журналісцкую дзейнасць з 2017 года. Пасля пратэстаў 2020 года журналіст вырашыў сысці з прафесіі.

  • Ад палітзняволенай Алены Лазарчык ужо 2 месяцы няма лістоў

Паводле праваабаронцаў, раней за «парушэнні ўстаноўленнага парадку» палітзняволеную пазбавілі пасылак і перадач, спатканняў з роднымі, а таксама неаднаразова закідвалі ў штрафны ізалятар. Згадаем, што падчас знаходжання ў ШІЗА вязням забаронена ліставанне. 

Вядома, што ўжо два месяцы ад Алены не даходзяць лісты. Гэта можа сведчыць пра тое, што яе зноў адправілі ў штрафны ізалятар. 

Нагадаем, актывістцы «Еўрапейскай Беларусі» прысудзілі 8 гадоў калоніі паводле чатырох артыкулаў Крымінальнага кодэксу. У калоніі ў жанчыны з'явіліся праблемы з зубамі, яна схуднела. На волі ў Алены засталося маленькае дзіця, бацька якога памёр, пакуль жанчына знаходзіцца ў зняволенні.


Глядзіце таксама

  • Сілавікі затрымалі жанчыну, якая хадзіла на акцыі пратэсту з дзецьмі — супраць яе распачалі крымінальную справу, лёс яе малодшай дачкі вырашаецца

Праўладныя тэлеграм-каналы паведамляюць, што жанчына нібыта разам з дзецьмі ўдзельнічала ў акцыях пратэсту, пісала абразлівыя каментары, дасылала фотаздымкі «экстрэмісцкім» каналам, а таксама пасля пачатку вайны заклікала ўкраінцаў нанесці ўдары па беларускіх аэрадромах.

Сцвярджаецца, што супраць яе распачалі крымінальную справу, лёс яе малодшай дачкі вырашаецца.

  • У Жодзіне працягваецца суд над палітвязнем Алегам Рубцом 

Алега затрымалі 10 жніўня 2020 года за ўдзел у паслявыбарчых пратэстах у Пінску (ч. 2 арт. 293 КК). Пры затрыманні яго моцна збілі сілавікі. Суд прызначыў палітвязню 5,5 гадоў калоніі.

У чэрвені 2022 года па рашэнні суда пінчуку ўзмацнілі пакаранне і перавялі з калоніі ў жодзінскую турму, дзе па некалькі месяцаў запар Алега ўтрымлівалі ў штрафным ізалятары. Агулам у ШІЗА за апошні год Алег правёў больш за 200 сутак.

27 лютага ў Жодзіне над Алегам распачаўся чарговы суд. Яго абвінавачваюць паводле арт. 411 КК (злоснае непадпарадкаванне законным патрабаванням адміністрацыі турмы). Справу разглядае суддзя Святлана Самусева. Алегу могуць дадаць яшчэ два гады зняволення.

Глядзіце таксама

  • Галоўная бухгалтарка аднаго з прадпрыемстваў Магілёва затрыманая за 800 «негатыўных» каментароў

На «палонным відэа» жанчына распавядае, што з 2020 года пакінула 801 «негатыўны каментар пра органы сілавых структур» і Лукашэнку. Таксама затрыманая паведаміла, што праз гэта страціла працу.

  • ГУБАЗіК затрымаў жыхара Гродна

Паводле інфармацыі @Grodno_grab, затрыманы — Ігар Чудзілоўскі. Сцвярджаецца, што ён удзельнічаў у паслявыбарчай акцыі пратэсту.

  • Сілавікі затрымалі студэнта фізфака БДУ

Сілавікі сцвярджаюць, што юнак у 2020 годзе, будучы непаўналетнім, удзельнічаў у пратэстах, быў падпісаны на «экстрэмісцкія» каналы і пісаў абразлівыя каментары пра міліцыянтаў.