«Калі не парушала закон». У Крамлі спадзяюцца, што сяброўку Рамана Пратасевіча вызваляць

Расійскае кіраўніцтва спадзяецца, што затрыманая ўладамі Беларусі расіянка Сафія Сапега будзе адпушчаная, калі яна не парушала законаў краіны. Пра гэта заявіў прэс-сакратар прэзідэнта Расіі Дзмітрый Пяскоў, перадае карэспандэнт РБК.

«Мы спадзяёмся, што яна ў бліжэйшы час будзе адпушчаная беларускімі ўладамі, калі, вядома, да яе няма ніякіх пытанняў у плане выканання законаў», — сказаў Пяскоў.

Сапега знаходзілася разам з Раманам Пратасевічам у самалёце кампаніі «Ryanair», які падчас палёту ў Вільню 23 мая здзейсніў пасадку ў Мінску праз паведамленне аб закладзенай бомбе.

Раней кіраўнік МЗС Расіі Сяргей Лаўроў паведаміў, што расійскія дыпламаты запыталі ў беларускіх улад консульскі доступ да Сапега.

«Паколькі вы згадалі беларускага грамадзяніна, з ім таксама засталася, як мы можам зразумець, у Мінску яго знаёмая, яна грамадзянка Расіі. <...> Наша пасольства звярнулася ў МЗС Беларусі з просьбай прадаставіць інфармацыю аб нашай грамадзянцы і забяспечыць да яе консульскі доступ», — сказаў ён.