Кіеў адмаўляецца ад ваеннага парада з-за магчымых правакацый

У Кіеве не плануюць масавага шэсця і ваеннага параду 9 мая з-за магчымых правакацый. Пра гэта паведамляе Цензор НЕТ са спасылкай на ТСН.



9 мая 2013 года. Кіеў.

У мэрыі паведамілі, што абмяжуюцца ускладаннем кветак, ўшаноўваннем памяці загінуўшых у раёнах, пачастункам ветэранаў вайны салдацкай кашай і канцэртнай праграмай.
 

Арганізатары асцерагаюцца, каб імпрэзамі не скарысталіся прарасейскія правакатары.
"Інфармацыя такая , што трэба стварыць карцінку для расейскіх каналаў, дзе б'юць ветэранаў, нападаюць на іх. Гэта можа быць лакальна, каб выкарыстоўваць гэтыя кадры і на ўвесь свет шумець", — заявіў старшыня КГДА Уладзімір Бандрэнка.