Кыргызстан і Таджыкістан пачалі адвод войскаў з зоны канфлікту на мяжы

Кыргызстан і Таджыкістан пачалі адвод вайскоўцаў і ваеннай тэхнікі з зоны ўзброенага канфлікту на мяжы. Пра гэта паведаміла ў нядзелю Пагранічная служба кыргызскага Дзяржаўнага камітэта нацыянальнай бяспекі (ГКНБ).
«Бакі пачалі адвод дадатковых сіл і сродкаў ад лініі дзяржаўнай мяжы ў пункты пастаяннай дыслакацыі», — гаворыцца ў паведамленні. Па дадзеных пагранведамства, сітуацыя на мяжы «характарызуецца як стабільная», за мінулую ноч «інцыдэнты і перастрэлкі не зафіксаваныя».

«Памежныя падраздзялення нясуць службу ва ўзмоцненым рэжыме», — падкрэсліваецца ў паведамленні.

Нагадаем, сітуацыя на мяжы Таджыкістана і Кыргызстана абвастрылася 28 красавіка, калі там паўстаў канфлікт паміж жыхарамі прыгранічных тэрыторый у раёне водазабору «Галаўны». А 29 красавіка там адбылося ўзброенае сутыкненне паміж вайскоўцамі Кыргызстана і Таджыкістана.

Улады Кыргызстана заявілі, што колькасць пацярпелых грамадзян гэтай краіны падчас канфлікту на мяжы з Таджыкістанам дасягнула 173 чалавек, 34 з іх загінулі. З боку Таджыкістана раней паведамлялася пра 12 забітых. Такім чынам, згодна з афіцыйнымі звесткамі, агульная колькасць ахвяр супрацьстаяння на спрэчным участку мяжы паміж дзвюма краінамі дасягнула 46.

tut.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: