Лёгкаатлетка Крысціна Ціманоўская атрымала магчымасць выступаць за Польшчу

Беларускую спартсменку ўжо праінфармавалі аб варыянтах працягу кар'еры ў Польшчы, а найбуйнейшы нафтаперапрацоўчы канцэрн краіны прапанаваў ёй спонсарскую падтрымку.

58771301_303.png

Беларуская лёгкаатлетка Крысціна Ціманоўская, якая адмовілася ад вяртання на радзіму з Токіа і ўцякла ў Еўрасаюз, забяспечаная магчымасцю працягваць сваю спартыўную кар'еру ў Польшчы, паведаміла ў пятніцу, 6 жніўня, у Варшаве Міністэрства культуры, нацыянальнай спадчыны і спорту гэтай краіны, піша dw.com.

Паводле апублікаваных звестак, падчас пятнічнай сустрэчы ў Варшаве 24-гадовую лёгкаатлетку праінфармавалі аб тым, якія ў яе ёсць варыянты. На наступны тыдзень запланавана яшчэ некалькі сустрэч. Між тым кіраўнік праўлення польскай нафтаперапрацоўчай кампаніі PKN Orlen Даніэль Обайтек ужо прапанаваў Ціманоўскай спонсарскую падтрымку. «Мы разам гуляем у адной камандзе», — напісаў ён у Twitter.