ЛПП у Наваполацку пераробяць у папраўчую калонію

У Наваполацку лячэбна-працоўны прафілакторый №8 ліквідуюць і на яго месцы створаць папраўчую калонію №1.

Адпаведны ўказ №223 за подпісам Аляксандра Лукашэнкі апублікаваны на Нацыянальным прававым інтэрнэт-партале.
Савету Міністраў даручана фінансаваць новую папраўчую калонію ў рамках сродкаў, прадугледжаных у дзяржаўным бюджэце на ўтрыманне органаў і арганізацый крымінальна-выканаўчай сістэмы.
Міністэрства ўнутраных спраў мусіць у трохмесячны тэрмін забяспечыць ліквідацыю ЛПП і дзяржаўную рэгістрацыю папраўчай калоніі, пераразмеркаваць штатную колькасць супрацоўнікаў і грамадзянскага персаналу ЛПП №8 і папраўчай установы адкрытага тыпу №15, а таксама зацвердзіць структуру і штатны расклад ПК №1.
euroradio.fm