Лукашэнка: Некаторыя раз'язджаюць на "Лексусах" і ні капейкі ў казну не плацяць

Падчас суботніка кіраўнік дзяржавы Аляксандр Лукашэнка заявіў журналістам, што дэкрэт супраць дармаедаў можа быць зменены да канца года. А наогул гэты дакумент падтрымліваюць усе, хто працуе.



"Таму што, напэўна, не вельмі, калі ты працуеш з раніцы да вечара і глядзіш, каб сям'ю накарміць, апрануць і гэтак далей, а некаторыя, наогул не напружваючыся, на "Лексусах", "БМВ", "Мэрсэдэсах" раз`язджаюць, і не выплочваюць нават капейкі падаткаў у дзяржаўную казну. У паліклініку, школу, дзіцячы сад, яшчэ куды — яны першымі. Дык там таксама грошы, гэта ж пабудавана за грошы людзей", — цытуе БЕЛТА словы Лукашэнкі.

"Таму ўсе павінны несці адпаведную нагрузку", — дадаў кіраўнік дзяржавы.

Паводле слоў Аляксандра Лукашэнкі, не варта баяцца, што пад дзеянне дэкрэта агулом трапяць і неабароненыя пласты грамадства. Па словах кіраўніка дзяржавы, тыя, хто трапіў у складаную сітуацыю, у прыватнасці людзі з абмежаванымі магчымасцямі, інваліды, маюць пэўныя льготы і на іх распаўсюджваецца адпаведнае заканадаўства. "Тыя, хто працуе і дзетак гадуюць да 7 гадоў, — чаго перажываць? Ты ніякі не дармаед, расці сваіх дзяцей", — супакоіў Лукашэнка.

Аляксандр Лукашэнка адзначыў, што цяпер адсочваецца ўся інфармацыя, у тым ліку ў СМІ, дзе выказваецца некаторая занепакоенасць з нагоды дэкрэта № 3.
 

"Да канца года Адміністрацыя прэзідэнта будзе маніторыць сітуацыю, каб, сапраўды, не дай бог, ніхто незаслужана не пацярпеў ад гэтых нагрузак, так званага дармаедства", — сказаў кіраўнік дзяржавы.
 

"Таму не трэба перажываць і напружвацца. Усё будзе нармальна. Калі я падпісаў дакумент, гэта не значыць, што я падпісаў яго напярэдадні прэзідэнцкіх выбараў, каб укалоць насельніцтва. Ні ў якім разе. Я проста хачу паступіць як дзяржаўны чалавек, а не як палітык. Бо мне ці некаму пасля прэзідэнцкіх выбараў трэба працаваць. І папулізм тут ні да чаго. І ўмовы павінны быць роўныя і нармальныя", - сказаў Лукашэнка.

Кіраўнік Беларусі заявіў. што зыходзіў з настрояў тых, хто працуе. "Я не кажу, што ён ідэальны. Вы бачыце, я нават не абараняю яго. Мы глядзім, нармальны ён ці не. Памыліліся — паправім, але трэба даць магчымасць, каб гэты дакумент папрацаваў. А затым дапрацуем. дзе памыліліся, мы папросім прабачэння і паправім. Да канца года сітуацыю выправім ".
 

Аляксандр Лукашэнка звярнуў увагу на тое, што ўсім, хто хоча зарабіць, будзе дадзена такая магчымасць: "Не хочаш працаваць — заплаці сярэдні падатак".
"Дык гэта мы яшчэ паўкроку зрабілі, а сапраўдны дармаед павінен думаць пра тое, што заўтра мы зробім другі крок, каб прымусіць яго працаваць", — дадаў кіраўнік дзяржавы.