Маці палітвязня Ягора Дуднікава: ягоны стан здароўя істотна пагоршыўся

Ягор знаходзіцца ў СІЗА з траўня, ён з’яўляецца грамадзянінам Расіі.

Маці палітвязня Ягора Дуднікава распавяла пра ягоны стан здароўя, які істотна пагоршыўся.
«Умовы надворʼя плюс наступствы пабіцця пры затрыманні вельмі негатыўна адбіліся на ягоным здароўі. Там і нязводны галаўны боль, і разбіты зуб, які ўвесь час баліць, і панічныя напады», — распавядае яна.
Ягор знаходзіцца ў СІЗА з траўня, ён з’яўляецца грамадзянінам Расіі. Супраць Ягора распачалі крымінальную справу праз тое, што ён агучваў відэаролікі і аўдыёпаведамленні ў тэлеграм-канале «ОГСБ».