Марыю Каржанеўскую асудзілі на тры тыдні арышту

Марыя Каржанеўская была затрыманая 25 сакавіка, калі пайшла шукаць раней затрыманага сына.

10441933_597431397038171_4470198286045589321_n_1.jpg


«Марыю паспелі асудзіць у суботу. 21 суткі. Пакуль на Акрэсціна», — напісалі яе сябры ў Facebook.

Перад гэтым у іх кватэры зладзілі ператрус, калі гаспадароў не было дома.

Марыя Каржанеўская 25 сакавіка пайшла да сілавікоў, каб даведацца, што з яе сынам і забраць яго ровар. Потым яна выйшла на сувязь з Цэнтральнага РУУС Мінска, такім чынам стала вядома пра яе затрыманне.

Яе сын Данііл Каржанеўскі быў пакараны судом Мінскага раёна 12 суткамі арышту за «непадпарадкаванне».